Qırışlar azalır, ifadəniz qalır

Botulinum toksini mimiki əzələlərin həddindən artıq aktivliyini müvəqqəti azaldır. Nəticədə alın, qaşarası və göz ətrafındakı dinamik qırışlar hamarlaşır, statik qırışların formalaşması isə gecikdirilir.

Məqsəd əzələ hərəkətini tam dondurmaq deyil: prosedurdan sonra qaşlarınızı qaldıra və ifadənizi saxlaya bilirsiniz, sadəcə qırışlar əvvəlki kimi yaranmır.

Tətbiq nahiyələri

• Alın qırışları
• Qaşarası qırışlar — “hirsli” ifadənin yumşaldılması
• Qaz ayağı — göz kənarındakı qırışlar
• Burun üzərindəki mimiki qırışlar (bunny lines)

Çənənin hər iki tərəfində yerləşən masseter ən güclü çeynəmə əzələsidir. Onun böyüməsi (masseter hipertrofiyası) üzün aşağı hissəsini kvadrat və geniş göstərə bilər; bəzən səbəb diş sıxma da olur.

Masseter botoksu bu əzələnin aktivliyini azaldaraq üzün aşağı hissəsini vizual olaraq incəldir və daha oval görünüş yaradır. Vaxtilə belə nəticə üçün yeganə seçim cərrahi əməliyyat idi.

Bəzi insanlarda qoltuqaltı, ovuc və ayaqaltı nahiyələrində tər vəziləri normadan artıq işləyir; bu, ictimai yerlərdə narahatlıq və kompleks yarada bilər.

Botulinum toksini ilə müalicə cərrahi müdaxilə tələb etmir, ambulator şəraitdə aparılır və bərpa dövrü tələb etmir.

Gülərkən dişətinin çox görünməsi bəzi insanları təbəssümünü əllə gizlətməyə vadar edir. Botulinum toksini ilə aparılan qısa prosedur yuxarı dodağın hərəkətini balanslaşdıraraq dişətinin görünməsini azaldır.

Botoksa başlamaq üçün “ideal yaş” yoxdur: əsas məqsəd statik qırışların yaranmasını gecikdirmək, yaranıbsa, dərinləşməsinə imkan verməməkdir.

Qırışlar çox dərinləşdikdən sonra korreksiya çətinləşir və daha çox prosedur tələb olunur. İfadənin donacağı qorxusu ilə gecikmək isə qırışların daha da dərinləşməsinə səbəb ola bilər.

Botoksun qiyməti həkimdən, klinikadan, preparatdan, tətbiq nahiyəsindən və preparatın miqdarından asılıdır. Dəqiq məbləğ konsultasiyada bildirilir.

Botoks əzələ aktivliyi ilə bağlı dinamik qırışlara təsir edir. Dolğu isə itirilmiş həcmi bərpa edir, dərin büküşləri və çökəklikləri doldurur. Bəzən ən yaxşı nəticə hər ikisinin düzgün ardıcıllıqla birləşdirilməsi ilə əldə olunur — seçim konsultasiyada edilir.