Dərinin təravəti və elastikliyi

Mezoterapiya nəmini itirmiş, incə qırışlar yaranmış və elastikliyi azalmış dəri üçün nəzərdə tutulan inyeksion prosedurdur. Aktiv akne problemi və dəridəki piqment ləkələnmələri olan hallarda da tətbiq oluna bilər.

Preparatlar hər dəri tipinə və probleminə uyğun fərdi seçilir.

Xüsusi nahiyələr

• Gözaltı mezoprosedurları — çökəklik olmadan qaralıqdan narahat olanlar üçün
• Əl dərisinin mezoterapiyası
• Saçlar üçün İtaliya istehsalı preparatla aparılan prosedur

Biorevitalizasiya hialuron turşusu əsaslı preparatların dəriyə yeridilməsi ilə dərin nəmləndirməyə və dəri keyfiyyətinin yaxşılaşdırılmasına yönəlir. Quruluq, sönük ton və incə qırışlar zamanı tətbiq olunur.

Prosedur üzün hər tərəfindəki 5 bioestetik nöqtəyə yüksək konsentrasiyalı hialuron turşusunun yeridilməsi ilə aparılır — ümumilikdə 10 inyeksiya. Preparat toxumalarda 24–48 saat ərzində yayılır.

Nəyə yönəlir?

• Dərinin nəmlənməsi və elastikliyinin artması
• Üz ovalına yüngül liftinq effekti
• Yorğun ifadənin azalması
• Sallanmış və quru dəri ilə bağlı narahatlıqlar

Mimika təbii qalır. Seansların sayı dərinin vəziyyətinə görə konsultasiyada müəyyənləşdirilir.

Üzə qulluq edib boynu və əlləri unutmaq olmaz: boyun dərisinin hamarlığı ümumi görünüşə birbaşa təsir edir.

Boyundakı “Venera halqaları” (horizontal qırışlar) və dərinin təravətini itirməsi ilə bağlı narahatlıqlarda prosedur mərhələli şəkildə aparılır; ikinci seansdan sonra nəticə daha aydın görünür.

Yaş həm də əllərdən oxunur. Əl dolğusu ilə əllərdə azalan dərialtı piy təbəqəsi bərpa olunur, incəlmiş dərinin keyfiyyəti yaxşılaşır və damarların qabarıq görünməsi azalır.

Prosedur bilək nahiyəsində yaranmış qırışlara da müsbət təsir edir.